то

То (4)

I. Союз.

1. Соотносит. союз. Присоединяет главное предложение к предшествующему условному и временному придаточному:

Боянъ бо вѣщіи, аще кому хотяше пѣснь творити, то растѣкашется мыслію по древу, сѣрымъ вълкомъ по земли, шизымъ орломъ подъ облакы. 2—3. Аже бы ты (Всеволод) былъ, то была бы чага по ногатѣ, а кощеи по резанѣ. 28. [И рече Гзакъ къ Кончакови: Аще его опутаевѣ красною дѣвицею, ни нама будетъ сокольца, ни нама красны дѣвице, то почнутъ наю птици бити въ полѣ Половецкомъ. 43—44.]

Аще бо духъ е богъ, то духовьнѣ с родилъ. Изб. Св. 1073 г. (Бод.), 6. Сыну, аще кто [послушаеть] умна человѣка, то яко же въ дьнь жадания студеные воды напиеться. Пов. об Акире, 51 (XV в. ← XI—XII вв.). Аще же ся явита держима виною, то убити я, аще же будѣта о бѣжании мыслила, то помалу мучити я. Флав. Полон. Иерус., 222 (XVI в. ← нач. XII в.). 955: Она же (Ольга) разумѣвши рече ко царю: Азъ погана есмь, да аще мя хощеши крестити, то крести мя самъ. Пов. врем. лет, 44 (1377 г. ← нач. XII в.). 1185: Игорь же рече с братьею своею: Оже ны будеть не бившися возворотитися, то соромъ ны будеть пущеи смерти. Ипат. лет., 639 (XV в.). Егда убо царь хотяше ити на градъ биться, то в тои же (храмине) пребываше. Александр., 92 (XV в. ← XII в.). А мы же егда пиемь (вино), то не въ веселие супротивъ закону божию творимъ. Сл. и поуч. против языч., 218 (XV в.).

|| В знач., близком союзу «так» в главном предложении при сравнительном придаточном (как... так).

Иосиф же прекрасныи отвеща: ...Яз не могу, как на свет насмотрити и на луну солнечну, то аз, госпоже оспадарыне, на государя подумати за его доброту и ласку. Сл. Дан. Зат. (Н), 36 (XVII в. ← XII в.).

2. Присоединит. союз. Употребляется для присоединения предложений или отдельных членов предложения, дополняющих или развивающих высказанную мысль — и, к тому же, а также, и еще, и притом:

[И рече Гзакъ къ Кончакови: Аще его опутаевѣ красною дѣвицею, ни нама будетъ сокольца, ни нама красны дѣвице, то почнутъ наю птици бити въ полѣ Половецкомъ. 43—44.]

Мы человѣци, грѣшни суще и смертни, то оже ны зло створить, то хощемъ и́ пожрети и кровь его прольяти вскорѣ. Поуч. Вл. Моном., 155 (1377 г. ← нач. XII в.). 1148: Ростислав же ...Изяславу рече: Брате, кланяю ти ся, ты еси мене старѣи, а како ты вгадаеши, а язъ в томъ готовъ есмь; аже, брате, на мнѣ честь подкладываешь, то я бых, брате, тако реклъ Рускыхъ дѣля земль и хрестьянъ дѣля; то я люблю, брате, миръ лѣпле. Ипат. лет., 365 (XV в.). Мене залгали псы бесермена, а сказывали всего много нашего товару, ано нѣтъ ничего на нашу землю; все товаръ бѣло на бесермьньскую землю, перець да краска, то дешево. Хож. Аф. Ник., 15 (кон. XV — нач. XVI в. ← 1466—1472 гг.).

3. Разделит. союз. Употребляется при перечислении или противопоставлении сменяющих друг друга действий, предметов, состояний, явлений.

1228: То же слышавъше пльсковици, яко приведе Ярослав пълкы, убоявшеся того, възяша миръ съ рижаны, Новгородъ выложивъше, а рекуче: То вы, а то новгородьци; а намъ ненадобе. Новг. 1 лет., 66 (XIII в.). Такоже и ум, свои свѣтъ посылая, всячьская и тѣло и дѣла свѣтла образуеть; имже аще кто умъ наречеть сердце наречеть растворение нашего тѣла, то не съгрѣшитъ: то бо въ человѣка въ малу тварь не просиявъ ни свои свѣтъ посла, то велику на тварь тьму разливаеть на вся сущая и ничтоже дая противиться. Пчела, 355 (XIV в. ← XIII в.). А Меликтучаръ сѣдит на 20 тмахъ; а бьется с кафары 20 лѣт есть, то его побиють, то онъ побивает ихъ многажды. Хож. Аф. Ник., 14 (кон. XV — нач. XVI в. ← 1466—1472 гг.).

4. Употребляется в знач., близком начинательным союзам «а», «и».

То како рече Соломонъ: Чьти отьця своего и матерь свою, да будеши мъноголѣтьнъ. Изб. Св. 1076 г., 123. Тоже она къ нему: То чьто, отьче, оже не вижю его? Старьць же к неи отъвѣща: То аще хощеши видѣти и́, да идеши нынѣ въ домъ, и азъ шедъ увѣщаю и, не бо рачить видѣти кого. Ж. Феод. (Усп.), 32 б (XII в. ← ок. 1088 г.). То, княже, господине мои, не возри на мя, что одеждею скуденъ есмь добрѣ, но разумом обиленъ есмь. Посл. Дан. Заточ. (Тих.), 78 (XVII в. ← XIII в.). Феодоръ же к нему рече: То не стыжюся ли, яко оставивъ миръ и вся, яже в немъ... и нынѣ бѣгунъ бываю и миръскый жителинъ? Патер. Печ. (Абр.), 164 (XV в. ← XIII в.). И рече князь великии Дмитрии Иванович своимъ бояром и воеводамъ и дѣтемъ боярыскымъ: То ти, брате, вам московские сласние меди и великие мѣста. Задон. Ист.-2, 546—547 (кон. XV — нач. XVI в. ← XIV в.).

II. Частица.

1. Указат. частица. Употребляется для выделения предшествующего слова, подчеркивая его смысловое значение:

Тіи бо два храбрая Святъславлича, Игорь и Всеволодъ, уже лжу убудиста, которую то бяше успилъ отецъ ихъ Святъславь грозныи великыи Кіевскыи грозою. 21.

А[ште] хоштеши вьс[я]кого грѣх[а б]оли б[ы]ти, чюжихъ испытаи, много [бо] того есть въ тебѣ, имь же то иному зазираемъ. Изб. Св. 1076 г., 72 об. — 73. Немощьнии бо то суть, иже тацѣми надѣжами прѣпроважають жизнь свою. Златостр., 28—29 (XII в.). Аже убьють мужа вольного, тъ выдати розбоиникы, колико то ихъ будѣть, было не будѣть розбоиниковъ, то дати за голову 10 гривен сѣрѣбра. Дог. неизв. смол. кн. с Ригою и Готск. бер. Смол. грам., 10 (1223—1225 гг.). То все покорено было богомъ крестияньскому языку поганьскыя страны: великому князю Всеволоду ...дѣду его Володимеру и Манаху (так!), которымъ то Половоци дѣти своя пошаху в колыбѣли. Сл. пог. (Б), 154 (XV в. ← XIII в.). И онъ ...въ божницу пошолъ и съ своимъ протодиякономъ съ черньцомъ съ Григорьемъ, которой-то нынѣ, какъ слышимъ, на митрополию вышолъ. Посл. митроп. Ионы 1459 г. АИ I, 118. А обезьяны то тѣ живуть по лесу, да у них есть князь обезьяньскый. Хож. Аф. Ник., 16 (кон. XV — нач. XVI в. ← 1466—1472 гг.).

2. Усилит. частица. Подчеркивает смысловое значение следующего за ней слова.

Нъ отъ святыиихъ книгъ разумѣюште глаголемъ: яко же то младеньци мьруть, то нѣсть отъ грѣха, нъ на съмыслъ рожденыимъ мьруть. Изб. Св. 1076 г., 124 об. 1118: Томь же лѣтѣ приведе Володимиръ съ Мьстиславомь вся бояры новгородьскыя Кыеву, и заводи я́ къ честному хресту, и пусти я́ домовь, а иныя у себе остави; и разгнѣвася на ты, оже то грабили Даньслава и Ноздрьчю. Новг. 1 лет., 21 (XIII в.).

|| Даже.

Увы мнѣ, увы мнѣ, како заиде, свѣте мои, не сущу ми ту, да быхъ понѣ самъ чьстьное твое тѣло своима рукама съпряталъ и гробу предалъ; нъ то ни понесохъ красоты мужьства тѣла твоего, ни съподобленъ быхъ цѣловати добролѣпьныхъ твоихъ сѣдинъ. Ж. Бор. Глеб. (Усп.), 9 б (XII в. ← XI в.).

См. тыи