творити

Творить — творити (1)

1. Сочинять, слагать:

Боянъ бо вѣщіи, аще кому хотяше пѣснь творити, то растѣкашется мыслію по древу, сѣрымъ вълкомъ по земли, шизымъ орломъ подъ облакы. 2—3.

Супротивь сами себѣ повѣдающе и продлъжающе, многы рѣчи о томъ творите, и не явѣ ли имаши, чловѣче, и въкратьцѣ зѣло его же то ищеши? Шест. Ио. екз., 13 (1263 г.). Да и сего цѣща и въ еванглиихъ господъ истинное проповѣдание сѣянию пшеничнуему притчу творитъ. Там же, 78. Якоже и при гуслехъ не довлѣеть единою струною пѣснь творити (την μελψδιαν εργασασθαι), но по всѣмъ преходить с чиномъ подобнымъ, тако и при душевнѣи добродѣтели не довлѣетъ намъ единъ законъ, на спасение, но подобаеть намъ весь законъ съблюсти подробну. Пчела, 4 (XIV в. ← XIII в.). Пиитика стихотворство ирмосовъ канонъ стройство, учащии пиитику творят стихи пѣсней к лику. Истом. град. ц., 17 (кон. XVII в.).

2. Создавать, изготовлять, приготовлять, делать.

Не бо е тако убогъ богъ, яко же тако творити тъчьу, яже мысльнѣи немошти твоеи доразумѣти моштьно. Изб. Св. 1073 г. (Бод.), 48. Се бо пакы бысть пакость творящемъ бѣсомъ въ храмѣ, идеже хлѣбы братия творяаху: овогда муку расыпающе, овогда же положеныи квасъ на състроение хлѣбомъ разливааху. Ж. Феод. (Усп.), 38 в (XII в. ← ок. 1088 г.). 1172: Ты (бог) всемощенъ еси убожа и багатя умершвяяи и оживляя, творяи вся премудрено, творя от нощи дьнь, а от зимы весну, а от буря тишину. Ипат. лет., 554 (XV в.). Дрѣво, ино же еже имъ творити нѣкакъ образъ, рекше или столъ или двьри, или ино что. Шест. Ио. екз., 21 об. — 22 (1263 г.). Цѣною же пакы купяше жито и своима рукама измилаше, и пакы просфуры творяше. Патер. Печ. (Абр.), 25 (XV в. ← XIII в.).

|| Строить, сооружать.

Или еже творити храмъ, на немь же кака дъгна на стѣнахъ ...бывааше. Изб. Св. 1073 г., 160. И аще кто умряше, ...творяху кладу велику, и възложахуть и́ на кладу, мертвеца сожьжаху, и посемь собравше кости вложаху в судину малу, и поставляху на столпѣ на путех, еже творять вятичи и нынѣ. Пов. врем. лет, 15 (1377 г. ← нач. XII в.).

|| Производить, рождать (о плодах).

Се бо процвьте виноградъ, иже грознъ пречистую намъ плодъ творить [но]сящи вино, веселя вся коньца. Мин. нояб., 423 (1096 г.). И дрѣво плодно творе плодъ, ему же сѣме его в немъ по рожу и подобьству на земли. Шест. Ио. екз., 82 об. (1263 г.).

3. Совершать какое-л. действие; поступать каким-л. образом.

Глагола имъ Иисусъ: Аще чяда Авраамля бысте были, дѣла Авраамля творили бысте. Остр. ев., 29 об. (1056—1057 гг.). Яко рече апостолъ: Учя иного себе не учиши, тако еже творити убо, а инѣхъ не учити, худу имать мьзду; подобаеть убо обое творити, еже бо врачу врачуи себе и прочая. Изб. Св. 1076 г., 93 об. И се множьство бѣсовъ пришьдъше и за власы имъше и́, и тако пьхающе влачахути и́... И тако по вся нощи творяхуть ему. Ж. Феод. (Усп.), 44 б (XII в. ← ок. 1088 г.). Твое же злонравие вѣдаа, отьць ни во снѣ мысляше поставити тя цесаремь, но егда душа его немощна бысть, и умъ ни твердъ, ни здравъ, не вѣдяшеся, что творя, и тогда написа наслѣдника. Флав. Полон. Иерус., 246 (XVI в. ← нач. XII в.). Добрѣ же творяще, не мозите ся лѣнити ни на что же доброе, первое к церкви: да не застанеть васъ солнце на постели. Поуч. Вл. Моном., 158 (1377 г. ← нач. XII в.).

|| С прямым дополнением, выраженным существительным, означает: произвести действие по значению этого существительного.

Кот[е]рыи грѣхъ творить, молитвы человѣчя неприятъны у бога. Изб. Св. 1076 г., 188. 945: Да входять в городъ одинѣми вороты со царевымъ мужемъ безъ оружья, мужь 50, и да творять куплю, яко же имъ надобѣ, и паки да исходять. Пов. врем. лет, 36 (1377 г. ← нач. XII в.). Смотри бо ми, како ти человѣци срама дѣля имѣния своя отъдають, колико ти подарии творять другомъ, иже имъ угодия творять. Златостр., 79 (XII в.). Аще бо коли на нь (Нектонава) поидяше сила ратных, да вои ни строяше, ни съсуд ратныи строяше ...но поставивъ мѣдяницю, творяше влъхвование въ мѣдяници. Александр., 5—6 (XV в. ← XII в.). Не огнь творить [разжение] желѣзу, но надымание мѣшное. Сл. Дан. Зат., 25 (нач. XVII в. ← XII в.). Иже истинныя правды не имѣ, лежащиа въ души своеи, но или иманье хотя взяти, или другу угодя по любъви, или надъ ненавидимыми месть творя, или силнаго стыдяся, то суда исправити не может. Пчела, 48 (XIV в. ← XIII в.).

● Творити миръ — заключать мирный договор, мириться.

Сынъ же его, вѣдыи, яко Антиохъ не умолчить, силы собираше земныя, с римляны миръ творяше. Флав. Полон. Иерус., 168 (XVI в. ← нач. XII в.). 980: И рече Блудъ Ярополку: Видиши, колько войн у брата твоего? Нама ихъ не перебороти. Твори миръ съ братомъ своимъ. Пов. врем. лет, 55 (1377 г. ← нач. XII в.).

● Творити чюдо (знамение).

И рече ему: Равви, ...никъто же бо не можеть знамении сихъ творити, яже ты твориши. Остр. ев., 7 об. (1056—1057 гг.). Чюдо творить творьць, судиму ти, отьче; блудьна бо жена, стрьмлениемь ята бѣсовьскыимь, всѣмъ являше тя чиста, Григорие. Мин. нояб., 444 (1097 г.). И вьси благодаряху и славляху бога о вьсѣхъ, яже творяше святыма преславьная и предивьная и несъкажемая чюдеса. Ж. Бор. Глеб. (Усп.), 22 в (XII в. ← XI в.). Быша бо от худых апостоли: ови бо прямошевци, ови же калижници, ови рукодѣици, ини рыболовѣ. Но дивна знамениа творяху, въистинну, яже хотяху. Флав. Полон. Иерус., 264 (XVI в. ← нач. XII в.).

● Творити честь — оказывать почести.

1252: Онъ же я и́ за руку, и веде его в полату свою, и самъ соволочашеть его, и облачашеть и́ и во порты своѣ, и таку честь творяшеть ему. Ипат. лет., 815 (XV в.). И сему честь творя, отець мой възложи поясъ о чреслѣхъ его, имуще вѣса 50 гривенъ злата, и венець златъ на главу его. Патер. Печ. (Абр.), 2 (XV в. ← XIII в.).

● Требу (жертву) творити — совершать жертвоприношение.

983: И иде (Владимир) Киеву и творяше требу кумиромъ с людми своими. Пов. врем. лет, 58 (1377 г. ← нач. XII в.). И сь бо (Антиох Епифан) въ времена та възвышивъся сердцемь, тьмьаны предъ двьрми повелѣ полагати и жьртву всѣмъ творити, и [жедерая] вѣньца сътворьше вѣньчатися, и тако чьсть сътворити Дионису. Сл. Иппол. об антихр., 77 (XII в.).

● Молитву (мольбу) творити — молиться.

Реку же въ святыихъ таинахъ молитвы творити священикомъ за усъпъшая вѣрою. Изб. Св. 1076 г., 246 об. — 247. И възятъ от бога власть на нихъ (бесов), якоже отътолѣ не съмѣти имъ ни прикоснутися ни къ мѣсту тому, идеже блаженыи молитву творяше. Ж. Феод. (Усп.), 38 в (XII в. ← ок. 1088 г.). 1182: Во вторникъ же убо удариша братья в било, и снидошася во церковь, и почаша молбы творити ко святѣи Богородицѣ. Ипат. лет., 627 (XV в.).

● Память (поминанье) творити — поминать, совершать обряд поминовения.

Вьсечьстьную памят творимъ, мощи ти и раку чьтемъ, мудре Сумеоне. Мин. сент., 010 (1095 г.). Благочестью знаменье есть, еже часто поминанье творити о божественыхъ: и безъпрестаннымъ молением укротити бога. Пчела, 322 (XIV в. ← XIII в.).

● Службу творити — совершать богослужение, литургию.

Ни братия подобаеть овьци пастуха хулити; сь бо по вься дьни за тя и за твою братию служьбы творить, заутра и вечеръ, и полудь[не] за тя бога молить. Изб. Св. 1076 г., 258 об. — 259. И мерътвым тѣлом служать (латиняне), яко мертва господа мняще; мы же службу творим живым тѣлом, самого господа видяще одесную сѣдяща отца. Патер. Печ. (Абр.), 190 (XV в. ← XIII в.).

● Хвалу творити — славить, прославлять.

Недовѣдимымь же словесемь естествьнымъ хвалу творѣаху творьцу богу, иже от небытия изведе. Шест. Ио. екз., 82 об. — 83 (1263 г.).

● Съвѣтъ творити — советоваться, совещаться.

Съ уродивыимъ свѣта не твори: не можеть бо словесе дьржяти. Изб. Св. 1076 г., 174—174 об. И нача любити смыслъ уных, свѣтъ творя с ними. Пов. врем. лет, 142 (1377 г. ← нач. XII в.).

|| Причинять что-л., доставить что-л.

Мати же его (Феодосия) ...моляше и́ пакы облачитися въ одежю свѣтьлу ...глаголаше бо ему, яко тако ходя укоризну себе и роду своему твориши. Ж. Феод. (Усп.), 28 б (XII в. ← ок. 1088 г.). Многу же скърбь и мьчатание зълии дуси творяхуть ему въ пещерѣ тои. Там же, 38 а. 907: А их же имаху плѣнникы ...растреляху, а другыя в море вметаху, и ина многа зла творяху русь грекомъ, елико же ратнии творять. Пов. врем. лет (Радз.), 24 (XV в. ← нач. XII в.). И тако рекшю Филипу, всяко прилежание творяху отрочяти, и въложивши вѣнець на главу его, поводиша и́ по всеи Макидонии и по всеи области его. Александр., 15 (XV в. ← XII в.). 1288: Кто исповѣсть многые твоя ...дивныя щедроты, яже ко убогымь творяше и к сиротамъ и к болящимъ и ко вдовичамъ и къ жаднымъ и ко всимъ творяше милость требующимъ. Ипат. лет., 914—915 (XV в.).

|| Давать, даровать.

Рече господь: Вънемлѣте, милостыня вашея не творити прѣдъ человѣкы, да види будете ими. Остр. ев., 122 (1056—1057 гг.). Свѣтлѣиша же по вся дьни творяше дарованиа, видя цесаря, любяща сирыя и кающася по убиеною. Флав. Полон. Иерус., 225 (XVI в. ← нач. XII в.). Смотри бо ми, како ти человѣци срама дѣля имѣния своя отъдають, колико ти подарии творять другомъ, иже имъ угодия творять. Златостр., 79 (XII в.). 1214: Того же лѣта прислаша внуци Ростиславли въ Новъгородъ къ Мьстиславу Мьстиславицю: Се не творить намъ Всеволодъ Святославиць части въ Русьскои земли; а поиди, поищемъ своеи отцины. Новг. 1 лет., 53 (XIII в.).

|| Исполнять, соблюдать.

И тако имяше его яко единого отъ прьвыихъ святыихъ отьць, и вельми послушааше его ...и творяаше вся повелѣная ему отъ великааго отьца нашего Феодосия. Ж. Феод. (Усп.), 41 а (XII в. ← ок. 1088 г.). И все твори жена моя, яко же повѣлѣлъ еси. Пов. об Акире, 135 (XV в. ← XI—XII вв.). 1185: Сторожевѣ же тѣ слушахуть его (Игоря) и чьстяхуть его, и гдѣ послашеть кого, бесъ пря творяхуть повелѣное имъ. Ипат. лет., 649 (XV в.).

● Творити волю (чью-л.) — подчиняться кому-л.

Матере не забываита, волу (так!) еи творита, и послушяита съ страхъмь господньмь. Изб. Св. 1076 г., 111 об. — 112. Яко же и Спасъ въ еуангелии рече: Мое брашно и питие есть, да кто творитъ волю пославьшааго мене отьца. Шест. Ио. екз., 181 об. (1263 г.).

|| Устраивать, подготовив, проводить что-л., справлять.

И се явѣ видѣти въ мирѣ семь въ дъвоихъ сусѣдѣхъ: у сихъ сватьбу творять, а у другыихъ мрьтвьца плачються. Изб. Св. 1076 г., 10. Егда обѣд твориши, пред другомъ не стани посупленъ личемъ. Пов. об Акире, 69 (XV в. ← XI—XII вв.). 907: Да приходячи Русь слюбное емлют, елико хотячи, а иже придутъ гости да емлют мѣсячину на 6 мѣсяцъ, хлѣбъ, вино, мясо, и рыбы, и овощь. И да творят им мовь, елико хотят. Пов. врем. лет (Радз.), 24 (XV в. ← нач. XII в.). Мы же по вся лѣта творимъ тръжество, биюще коня и жруще Диеви, и Посидону, Ифестови, и Ареи дьнии 30. Александр., 96 (XV в. ← XII в.).

|| Вызывать, возбуждать какое-л. действие или явление.

Вадба бо мати есть рати и творить гнѣвь, имиже котараются и уратятся. Александр., 111 (XV в. ← XII в.). Егда ли пакы доидетъ (солнце) западнааго прѣдѣла, ти подъидетъ подъ земныи полъ небесе и скрыетъсе, то нощь творитъ, свои свѣтъ съкрывъ. Шест. Ио. екз., 20 (1263 г.). Въходъ злобѣ пришествие добродѣтели творить, якоже и въспять добру отступившю злоба присѣдящи входит. Пчела, 5 (XIV в. ← XIII в.).

4. Приводить в какое-л. состояние, превращать.

Имать же зълочьстивааго житие зълосмрадие, еже иностань душу больну творить и печальну, съвѣдыи своя зълобы, яже безаконьнѣ съдѣла. Изб. Св. 1073 г. (Бод.), 144.

5. Признавать, принимать за кого-л.

Тою притъчею подобьно потребова пророкъ о антихристѣ, иже призъвавъ къ себе человѣчьство, чужая своя творити хотя, изъбавление тъщетьно обѣщаваеть. Сл. Иппол. об антихр., 86 (XII в.). Ексудилъкыи же, Дарьевъ братъ, рече къ нему: Ужели велика твориши Александра, преда ему Еладу, дръзновение ему подаа внити въ Пръсиду? Александр., 53 (XV в. ← XII в.). 1262: И нача княжити (Миндовг) одинъ во всеи землѣ Литовьскои, и нача гордѣти велми, и вознесеся славою и гордостью великою, и не творяше противу себе никого же. Ипат. лет., 858 (XV в.). Никого же другомъ твори преже даже не испытавъ, како живеть съ предънимъ другомъ. Пчела, 62 (XIV в. ← XIII в.).

6. Полагать, считать что-л.

И и на знамениа многа кажуть бывша тогда, по того убиение и погребении не обрѣтома въ гробѣ глаголаху. Ови бо творяху въставша его, ови же украдена его своими другы. Флав. Полон. Иерус., 370 (XVI в. ← нач. XII в.). 1150: Гюрги же того не вѣдаше, но творяшеть, ако тако ту волость знаемъ, тамо же и есть, а того не вѣдаше, оже уже Изяславъ вшелъ в Чернии Клобукы. Ипат. лет., 396 (XV в.). 1185: Сторожем же его (Игоря) играющимъ и веселящимся, а князя творяхуть спяща; сии же пришедъ ко рѣцѣ и перебредъ, и всѣде на конь, и тако поидоста сквозѣ вежа. Там же, 651.

7. Постановлять, решать.

1160: Святославъ же ста изрядивъ полкы, всѣ жда Изяслава; тако бо творяшеть, яко поиде к нему на свою мысль, на нюже есть пошелъ, а молодь перебравъ с берендичи и с каепичи, пусти на половци ити с божиею помочью. Ипат. лет., 507 (XV в.). 1175: И почаша молъвити: Мы есмы волная князя прияли к собѣ, крестъ цѣловали на всемь, а си акы на свою волость творита, яко не творячеся у насъ сѣдѣти, грабита не токмо волость всю, но и церкви. Там же, 599.

● Съвѣтъ творити (на) — принимать решение (против кого-л.).

И творетъ на ны съвѣты всегда нами супостатници. Шест. Ио. екз., 78 (1263 г.).

8. Говорить, указывать.

И Даниилъ пишеть, яко приидеть священник, но не вѣмы, кто есть. Мы творимъ, яко без отьца родитися тому. Флав. Полон. Иерус., 205 (XVI в. ← нач. XII в.). 1196: Но есть ми весть, ажь Всеволодъ сватъ мои всѣлъ на коня, како ми ся былъ обѣчалъ помочи на Олговичя и стати у Чернигова, а творять ми, како же ся уже совокупилъ с братомъ моимъ Давыдомъ, и волость ихъ жьжета, и Вятьскыѣ городы поималѣ и пожьглѣ. Ипат. лет., 697 (XV в.). 1256: И поиде князь на путь, и митрополитъ с нимь; и новгородци не вѣдяху, кдѣ князь идеть; друзии творяху, яко на Чюдь идеть. Новг. 1 лет., 81 (XIV в.).

9. Побуждать на что-л. (к чему-л.).

Отъвраштяи ся житиискыя радости: та бо подъплъзатися творить текуштиимъ на спасение свое. Изб. Св. 1076 г., 64 об. — 65. Благая же слава творит мя на Пръсы носити побѣды, хвалу и промышление. Александр., 70 (XV в. ← XII в.).

10. Собирать, созывать.

1160: И оттолѣ начашася Новгородци мясти, и вѣче часто начаша творити. Ипат. лет., 510 (XV в.). 1255: Некентии бо кльняше тѣхъ, хулящимъ вѣру грѣцкую правовѣрную, и хотящу ему сборъ творити о правои вѣрѣ, о воединеньи церькви. Там же, 827.

11. Подражать.

Любляше же Епифаниа яко версту свою, а нрава его не творяше (εμιμειτο) ни мала, но просту любовь имѣя к нему. Жит. Андр. Юр. XXXI, 118. Срезн. Матер., III, 937.

12. Украшать.

И свергыи (Фамарь) ризы вдовьства своего с себе и облечеся в ризы твореныя (το θεριστρον). Библ. Генн., Быт. XXXVIII, 14 (1499 г.).

◊ Творити — неопр. форма.