ли

Ли (6)

I. Частица.

1. Вопросительная частица в прямом вопросе.

Узьрю ли си лице братьца моего мьньшааго Глѣба? Ж. Бор. Глеб. (Сказ. Усп.), 14 (XII в. ← XI в.). И Петронии укроти вопль их и рече: Можете ли битися съ цесаремь? Флав. Полон. Иерус., 262 (XVI в. ← нач. XII в.). 968: И рече князь печенѣжьский: А ты князь ли еси? Пов. врем. лет, 48 (1377 г. ← нач. XII в.). И рече жь имъ болшый братъ: Братия моя милая, во единомъ ли мѣстѣ намъ ѣхать на стражу Амира царя? Девг. Д., 150 (XVIII в. ← XII—XIII вв.). И глагола ему Нифонтъ: Нынѣ ли мя хощеши познати, акы незнавыи мене николи же? Ж. Нифонта, 245 (1219 г.). И нача глаголати Пусиосъ къ Асакасию ... сице: Видиши ли ся, о Сакасие, въ кыи чин еси прешелъ? Хрон. Малалы, XIV, 17 (XV в. ← XIII в.). А ркучи тако: Можеши ли тамо, господине князь великии, веслы Непру запрудити, а Донъ шоломы вычръпати? Задон. Ист.-2, 546 (кон. XV — нач. XVI в. ← XIV в.). И колико крови християнские пролья, и священниковъ и черноризцевъ пресѣче и извѣша! И попустилъ ли ему самому всесилный бог? Ей, не попусти, якоже и сам вѣси. Послание 1447 г. АИ, 1, 76.

|| То же в риторическом вопросе — разве, неужели:

Не лѣпо ли ны бяшетъ, братіе, начяти старыми словесы трудныхъ повѣстіи о пълку Игоревѣ, Игоря Святъславлича! 1. Ваю храбрая сердца въ жестоцемъ харалузѣ скована, а въ буести закалена. Се ли створисте моеи сребренеи сѣдинѣ! 26. Ты буи Рюриче и Давыде! Не ваю ли злачеными шеломы по крови плаваша? Не ваю ли храбрая дружина рыкаютъ акы тури, ранены саблями калеными на полѣ незнаемѣ? 29. О вѣтрѣ, вѣтрило!.. Мало ли ти бяшетъ горѣ подъ облакы вѣяти, лелѣючи корабли на синѣ морѣ? 38.

Тако ли безумьни есте, начьнъше духомь, ныня плътью съвьршаете? Изб. Св. 1073 г., 36 об. О немощьнии, на кого ся надѣете? Не мертвъ ли народ вашь? Не истлѣла ли церквы? Не за мною ли град? Флав. Полон. Иерус., 425 (XVI в. ← нач. XII в.). То видалъ ли еси бога полстяна, а звѣзды утовиняныхъ, ни безумнаго, мудрость глаголюще. Сл. Дан. Зат. (Копен.), 24 (XVII в. ← XII в.). Ифестину же рекшу ему: „Достоино пояти себѣ было любимую свою?“. Он же рече: „О како не люто ли есть работати видѣнью, имъ же повѣлено есть намъ и инѣх человѣк мучити то творящих?“. Пчела, 35 (XIV в. ← XIII в.).

2. Усилительная частица. Употребляется для подчеркивания значения наиболее важного в смысловом отношении слова в предложении — же:

Не тако ли, рече, рѣка Стугна; худу струю имѣя, пожръши чужи ручьи и стругы, ростре на кусту. 42.

Егда ли тя видить гнѣваюштяся, или кличуштя, или кльнущася, или нечиста словеса глаголющя ... и тъгда разу[м]ѣе (дьявол), яко нѣсть въ души ти, иже тя хранить. Изб. Св. 1073 г., 27 об. Егда ли видя убога нага, и не имяше, что дати, то стоняше (Нифонт), плача и глаголя: Увы мнѣ, грѣшнику! Ж. Нифонта, 242 (1219 г.).

II. Союз.

1. Разделительный союз — или, или ... или.

Хожаше (Феодосий) по келиямъ ученикъ своихъ, и аще чьто обрящааше у кого: ли брашьно сънѣдьно, ли одежею лише уставьныя одежа или от имѣния чьто, сия възьмъ въ пещь въмѣташе. Ж. Феод., 73. (XII в. — ок. 1088 г.). От них же ови глаголаху, яко лѣпо есть въ Иерусалимъ Кестееви с вои ити, да ли мучить заратившихся, или утвердить власть. Флав. Полон. Иерус., 273 (XVI в. ← нач. XII в.). Дарии же ... рече къ Александру: К тобѣ ли съвокуплю брань, ли къ Александрови? Александр., 61 (XV в. ← XII в.). Инъ, вспад на фар, бѣгает чрез подрумие, отчаявся живота; а иныи летает с церкви, ли с высоки полаты паволочиты крилы. Посл. Дан. Заточ. (У), 71 (XVI в. ← XIII в.). 1216: И не бы вести, кде Ярославъ, въ Торожку ли, въ Тьхвѣри ли. Новг. 1 лет., 55 (XIII в.).

2. Условный союз — если.

Добро ли свободы ради умрѣти, то мнѣ любо пред полком. Флав. Полон. Иерус., 308 (XVI в. ← нач. XII в.). 1185: Смолнянѣ же почаша вѣчѣ дѣяти, рекуще: Мы пошли до Киева, даже бы была рать, билися быхомъ; намъ ли иноѣ рати искати, то не можемь: уже ся есмы изнемоглѣ. Ипат. лет., 647 (XV в.). Душа же не умираеть. А ли творивыи душа умьреть къгда, вься прѣтьрпѣвая, нъ по человѣчьскому съмотрению съвьршаеть вься. Златостр., 16 (XII в.). Аже господинъ бьеть закупа про дѣло, то без вины есть; бьеть ли не смысля пьянъ без вины, то яко же въ свободьнемь платежь, тако же и въ закупѣ. Пр. Рус., 130 (1282 г. ← XII в.). Хощеши ли угодити другу, не браню, но не на пакость иному. Пчела, 87 (XIV в. ← XIII в.).

|| Условно-разделительный союз.

Приде же ли на истокъ морьскыи, стопами же ли по бездьнѣ ходилъ еси, отвьрьзуть ли же ся страхы врата съмьрьтьная, вратьници же ли адовьнии видѣвъше тя иждасошася, навыче ли широту подънебесьную, възвѣсти ми, колика ли къто есть. Чт. и пам. Иова, 123 (XII в.). Ты кто еси, осужаяи чюжего раба? Своему господину стоитъ ли кто или падеться, въстанеть же; силенъ бо есть богъ въставить и. Пчела, 340 (XIV в. ← XIII в.).

|| Условно-уступительный союз — хоть бы.

Въ градѣ, въ немь же живеши, и въ инѣхъ окрьстьнихъ поишти ли единого человѣка бояштяся бога... Обрѣте ли такого человѣка, то уже не скърби. Изб. Св. 1076 г., 14 об. — 15.

3. Сравнительный союз. Присоединяет придаточное предложение при наличии сравнительной степени в главном — нежели, чем.

Луче ти бы было обрѣзатися и бѣсовати ...ли въ акровьствии и съдравии жити лукавьно. Гр. Назиан. XI в., 159., Срезн. Матер., II, 18. 1201: Да луче есть на своеи землѣ костью лечи, и не ли на чюже славну быть. Ипат. лет., 716 (XV в.).

Ср. : чи ли.