уадзын
41НЫВЫЛ НАЛ УАДЗЫН — Куыд æмбæлы, афтæ нæ аразын. Афтæмæй Кобетæн нал фос фосы нывыл уагътой, нал хор хоры нывыл. (Беджызаты Ч. Мæсгуъгтæ дзурынц.) …
42НЫХАС ЛÆГЪЗ УАДЗЫН — Искæй ахаст химæ раздахыны тыххæй сабыр зæрдæлхæнæн дзырд кæнын. – Ау! – лæгъз ауагъта ныхас Сидамон, – æз ирон адæмы мæтæй кæрдзын дæр куы нæ хæрын, æхсæвæй бонæй куы нæ фыдæбон кæнон, уæд нæ хъуыддаг фæнывыл дæр уыдзæн?.. (Х. 1993, 5.) …
43РАГЪÆЙ ГÆРЗЫТÆ УАДЗЫН — Фыдудæй марын, искæуыл фыргуыст кæнын, искæй туг нуазын. Нæ кусджыты рагъæй иу уагътой гæрзытæ, Октябры уылæн сæ фæхаста дард. (Боциты Б. Фæндагыл Садонмæ.) …
44РАЗМÆ НÆ УАДЗЫН — Искæй къуылымпы кæнын, хъыг дарын, царды йыл фæстæмæ хæцын …
45САГАУ СЫКЪАТÆ УАДЗЫН — Истæуыл тынг цин кæнын. Мæ удхармæ кæсгæйæ, цыма йæ зæрдæ сагау сыкъатæ ауагъта, афтæ хъуыды кодтон. (Къæбысты З. Зæрдæйы зæлланг.) …
46СЧЪИЛЫ НУÆРТТÆ УАДЗЫН — тж. СЧЪИЛ БОС ЛЫГ КÆНЫН Сусæгæй искæй хъыгдарын, æвзæрдзинад ын аразын. Наступать на ноги. Архай æвзагæй, сусæгæй, худ разæй де знæгтæм дæ мидбылты, фæсте та сын се счъилты нуæрттæ уадз. (Санаты У. Бæтæйы фырттæ.) Хазби: Чи нын сфæнд кодта?… …
47СÆР СХЪИЛ КÆНЫН НÆ УАДЗЫН — Искæуыл уæлбариуæг кæнын, искæй армы бын дарын. Къахеты Ир куы æрцардысты, уæд лекъаг адæмы фыдракæндтæ къаддæрæй къаддæр кодтой, ирæттæ сæ сæ сæр схъил кæнын нал уагътой. (Р. 1993. 61.) …
48СÆРТЫ ЦЪИУ ТÆХЫН НÆ УАДЗЫН — Фыдуаг, галиу, сæрæн, æхсарджын, тыхджын, æнæбарон уын. Уæлион дунейы уый йæ сæрты цъиу атæхын дæр нæ уагъта! Йæ фыдракæндтæй алкæуыл дæр тас æфтыдта. (Козаты Х. Тæригъæдтæ.) …
49СÆРЫ ЗОНД УАДЗЫН — Цы аразын хъæуы, хи куыд дарын хъæуы, уый искæмæн амонын. «Нырма дын дæ сæры зонд нæма бауагътон», – йæхи смæстыхуыз кодта Дзамболат. (МД. 1984, 4.) …
50СÆТ УАДЗЫН — тж. СÆТ КАЛЫН Хуым. 1. Кæуын. Распускать нюни. 2. Ницы аразын, рæстæг дзæгъæлы сафын. 3. Хыл кæнын …