море

Море (13)

1. Огромное водное пространство с горько-соленой водой:

Чръныя тучя съ моря идутъ, хотятъ прикрыти д̃ солнца. 12. Се вѣтри, Стрибожи внуци, вѣютъ съ моря стрѣлами на храбрыя плъкы Игоревы! 12. Половци идуть отъ Дона, и отъ моря, и отъ всѣхъ странъ, Рускыя плъкы оступиша. 13. Въсплескала (Дева-Обида) лебедиными крылы на синѣмъ море у Дону; плещучи убуди жирня времена. 19. О! далече заиде соколъ, птиць бья, — къ морю. 19—20. А поганаго Кобяка изъ луку моря отъ желѣзныхъ великыхъ плъковъ Половецкыхъ, яко вихръ выторже. 21—22. Всю нощь съ вечера бусови врани възграяху у Плѣсньска, на болони бѣша дебрьски сани, и несошася къ синему морю. 23. Олегъ и Святъславъ тъмою ся поволокоста и въ морѣ погрузиста, и великое буйство подасть Хинови. 25. Се бо Готьскыя красныя дѣвы въспѣша на брезѣ синему морю. 25. Мало ли ти бяшетъ горѣ подъ облакы вѣяти, лелѣючи корабли на синѣ морѣ? 38. Възлелѣи, господине, мою ладу къ мнѣ, а быхъ не слала къ нему слезъ на море рано. 39. Прысну море полунощи; идутъ сморци мьглами. 39. Дѣвици поютъ на Дунаи — вьются голоси чрезъ море до Кіева. 44—45.

Моуси на мори бѣ, нъ глаголааше ему богъ: Чьто въпиеши къ мнѣ? Изб. Св. 1073 г., 84. Въ временьных же тѣхъ трусъ велии и страшенъ бысть, яко в Александрию възбѣгнути морю далече, кубаромъ же яко на сусѣ обрѣстися лежащимъ. Хрон. Амарт., 372 (XIII—XIV вв. ← XI в.). Овы же напрасныи огнь, овы же съ празнию погубляаше, и овы же яко рѣкы, овы же море погружааше живы. Патер. Син. (рук.), 44 (XI в.). Боляринъ же идыи къ Костянтиню граду, обрете островъ средѣ моря, и ту въселися въ ньмь, поживе лѣта мнага. Ж. Феод., 54 (XII в. ← ок. 1088 г.). И та земля, яже есть третья часть вселѣныя, въ нѣи же живуть языци паче числа, изгражена есть Атланьскым моремь, Ираклиискыми столпы и Черъмным моремь, и съ Ефиопием. Флав. Полон. Иерус., 227 (XVI в. ← нач. XII в.). 858: Михаилъ царь изиде с вои брегомъ и моремъ на болгары. Пов. врем. лет, 17 (1377 г. ← нач. XII в.). Ни чашею бо моря расчерпати, ни нашим иманиемъ твоего дому истощити. Сл. Дан. Зат., 16 (нач. XVII в. ← XII в.). 1201: А варягы пустиша (новгородцы) без мира за море... А на осѣнь придоша варязи горою на миръ, и даша им миръ на всѣи воли своеи. Новг. 1 лет., 45 (XIII в.). А от срѣднѣаго въстока течетъ Вакътр же и Хоаспъ и Аразъ, от него же и Танаи отсцѣплѣсе въ Меотъское озеро вътичетъ ... и бесчислене от полунощные страны въ море Еуксиньское текутъ. Шест. Ио. экз., 60 об. (1263 г.). Тогда убо кити велиции родишася, иже подобни островом, другыя же дробныя вся исполняюще: море, рѣкы и езера и блата. Палея толк., 20 об. (1406 г. ← XIII в.). Уже бо всташа силнии вѣтри с моря, прилелѣяша тучю велику на усть Нѣпра, на Русскую землю. Задон. К-Б, 549 (XV в. ← XIV в.). И обрѣтохъ три галѣи, хотящи ити воевати к Селуню, и всѣдохъ въ едину. И бывшю ми на морѣ. Сб. Тр. № 9, 207 (XIV в.). Затворили вы тем Азовом городом все море Синее. Аз. пов. (поэт.), 63 (XVII в.).

∆ Море плыть кораблемъ, а в городе жити и воробьемъ. Послов. Майк., 89 (кон. XVII—XVIII в.). Из-за моря, моря синева, / Из глухоморья зеленова, / ... От того де царя веть заморскаго выбегали выгребали тритцать кораблей. Кирша. Д., 1. Подходила тут скоряя смерётушка. / Она крадчи шла злодейка душегубица / ... Со синя ли моря шла да все голодная. Барсов. Причит. Сев. кр., 1, 2. Ой крыкнула та лебедонька на сыньому мори; / Заплакалы Чорноморци та об своим гори. Метлин. Нар. южнорус. песни, 450. А синєє море розіграло, / Турецкий корабель розірвало; / Витопило війська сорок тисяч. Ант. и Драг. Истор. пес. малор. нар., I, 99. И шла дзеўка лугом долиною, / Пришла дзеўка к синему мору, / Аж там стоиць мулеван човёнчик. Шейн. Белор. сб. I, 1, 311.

|| Водные пространства в противоположность суше.

И есть вода и [о]гнь подъ землею; а еже верху вода землѣ собрася въ снемъ единъ, и море наречено бысть, а еже подъ землею вода оста, бездьна наречена бысть. Хрон. Амарт., 302 (XIII—XIV вв. ← XI в.). Ты бо еси владыка не токмо и зде, но всеи земли, и морю, и всему роду человѣчьскому. Флав. Полон. Иерус.. 310 (XVI в. ← нач. XII в.). Пакы въпроси: Что есть боле, земля ли или море? Они же рѣша: Земля, ибо то само море землею подъдержиться. Александр., 85 (XV в. ← XII в.). Нъ обаче домъ вьсея вьселеныя ему отвьрзе, и землю и море простьре, и вьси его въ своя домы възывааху. Златостр., 120 (XII в.). Богь створи небо и землю и море, и все еже въ нихъ. Шест. Ио. екз., 31 об. (1263 г.). И нарече богъ сушю землю, и съставы водныя нарече море. Палея. толк., 5 (1406 г. ← XIII в.).

|| О большом озере.

Сънидошя ученици его (Христа) на море. И вълѣзъше въ корабль, ѣдяаху на онъ полъ моря въ Капернаумъ ...Море же вѣтру велику дыхающу, въстаяше. Остр. ев., 16 (1056—1057 гг.). Глаголааше авва Мина, игуменъ обьщажития авва Севърияна: О авва Софронии постусѣ, яко у Мрьтваго моря пасаше ся. Патер. Син. (рук.), 111 (XI в.). Язык же ясескыи вѣдомо есть, яко от печениженьска рода родися, живуще подлѣ Тана и Меотскаго моря. Флав. Полон. Иерус., 454 (XVI в. ← нач. XII в.). 1185: Зане яко стѣнами силнами огорожени бяху полкы половѣцьскими... 15 мужь утекши, а Ковуемь мнѣе, а прочии в морѣ истопоша. Ипат. лет., 644 (XV в.). Князь же Александръ ополчився поиде противу ратнымъ и наступиша море Чюдское. Ж. Алекс. Нев., 6 (XVI в. ← XIII в.). Евсейко Артемьевъ челомъ бьетъ: ... посланникъ Николай Спафарий ... достигъ онъ меня на Байкалѣ морѣ въ Прорвинскомъ Сору. ДАИ, VII, 323 (1676 г.).

2. Перен. О жизни с ее волнениями, испытаниями, мирской суетой.

Възвышающее ся море прельстьное многобожия бурею, божествьнымъ правлениемь славьно прошьлъ еси пристанище тихое всѣмъ бывъ утапающимъ. Мин. сент., 0178 (1095 г.). Море безбожьное исушилъ еси, премудре, источьникъ живота истачая учении преподобныхъ. Там же, 0179. Моиси такоже съ Аронъмь ... люди из ведоста из мъногамрачьнаго диавольскаго моря мысльнаго. Похв. слово Кир. и Меф., 162 (XII в.). Боже мои, ... даруи намъ безбурие въ лукавнѣ мори суетьнаго и мьрзъкаго жития. Ж. Нифонта, 348 (1219 г.). Печерьскый бо манастырь море есть и не держить в себѣ гнилаго, но измещеть вънь. Патер. Печ. (Абр.), 101 (XV в. ← XIII в.).

● Житииское море.

Житииское море прельстьное видя вълънящееся бурею, Вавуло пресловы страдальць възъпи: Изведи от тьля животъ мои, многомилостиве. Мин. сент., 036 (1095 г.). Также и море житииское: ови мало въ немъ явивъшеся и потопишася, ови же на большее время пребывше такоже погрузишася, и вся жития сего свѣтлость мьртва и непотребна есть. Пчела, 386 (XIV в. ← XIII в.). Господи, открыи очи мои умнии, да разумѣю чюдеса от закона твоего; немощно вы, братия, бес потопления проплыти моря сего житиискаго. Сб. Соф. XIV—XV вв., 11 об.

3. Перен. О большом количестве чего-л., кого-л.

[Смущено] море зълочьстья яко конь господьнь и въ пучинѣ, мучениче, чистою и чьстьною кръвью си яко фараона потопи противьныихъ вьсю силу. Мин. сент., 06 (1095 г.). Твоихъ учении струя нечьствующихъ потопиша моря, мудре, не въпиющихъ Христови богу нашему. Мин. окт., 82 (1096 г.). Отвьрзе молитвами си устьнѣ [немууму и] уши, Григорие; цѣльбамъ бо преблажене дѣтель обогативъ, издригну глубину богословиемь, море безбожьныихъ исушь. Мин. нояб., 443 (1097 г.).

◊ Море — им. пад. ед. ч.; моря — род. пад. ед. ч.; морю — дат. пад. ед. ч.; море — вин. пад. ед. ч.; море, морѣ — предл. (мест.) пад. ед. ч.