жъ

Же, жъ (10)

I. Союз.

1. Противительный союз. — Указывает на противопоставление частей предложения или одного предложения другому — но, а:

Не лѣпо ли ны бяшетъ, братіе, начяти старыми словесы трудныхъ повѣстіи о пълку Игоревѣ, Игоря Святъславлича! Начати же ся тъи пѣсни по былинамь сего времени, а не по замышленію Бояню. 1—2. Тогда пущашеть і̃ соколовь на стадо лебедѣи: которыи дотечаше, та преди пѣснѣ пояше ... Боянъ же , братіе, не і̃ соколовь на стадо лебедѣи пущаше, нъ своя вѣщіа пръсты на живая струны въскладаше. 3—4.

Реку же: Узда коневи правитель есть и въздьржяние, правьвьдьнику (так!) же книгы. Изб. Св. 1076 г., 2. И рѣша къ нему (Борису) дружина: Поиди, сяди Кыевѣ на столѣ отьни ... Онъ же имъ отъвѣщавааше: Не буди ми възяти рукы на брата своего, и еще же и на старѣиша мене. Ж. Бор. Глеб., 15—16 (XII в. ← XI в.). Игрище дѣтемъ иноплеменьничемъ бысть, а ними же и житие си нелѣпомь послушьствомь испроверже, себе створь врагомъ радость, другомъ же своимъ плачь. Хрон. Амарт., 117 (XIII—XIV вв. ← XI в.). 1093: Святополкъ же поча сбирати вое... Начаша же друзии несмыслении глаголати: Поиди, княже. Смыслении же глаголаху: Аще бы ихъ (воинов) пристроилъ и 8 тысячь, не лихо ти есть: наша земля оскудѣла есть от рати и от продажь. Пов. врем. лет, 143 (1377 г. ← нач. XII в.). 1185: И рекоша мужи: Княже, се есть не на добро знамение се. Игорь же рече: Братья и дружино! таины божия никто же не вѣсть, а знамению творѣць бог. Ипат. лет., 638 (XV в.). Ибо Соломонъ рече: Словеса добра сладостью напаяють душу, покрываетъ же печаль сердце безумному. Сл. Дан. Зат., 23 (нач. XVII в. ← XII в.). 1204: И вси хотяху Радиноса; онъ же не хотяше царства, нъ кръяшеся от нихъ. Новг. 1 лет., 47 (XIII в.). По скончании святыя службы надъ честнымъ тѣломъ его (Алекс. Нев.), приступи Кирилъ митрополитъ, хотя разгнути руку его, вложити грамоту духовную. Онъ же самъ, яко живъ, разпростре руку и приятъ грамоту отъ руки митрополита. Ж. Алекс. Нев., 9—10 (XVI в. ← XIII в.). Пояша руским князем славу: первому князю киевскому Игорю Бяриковичю и великому князю Владимеру Всеславьевичю Киевскому... Аз же помяну резанца Софония и восхвалю ... великого князя Дмитрея Ивановича. Задон. Унд., 536 (XVII в. ← XIV в.).

2. Присоединительный союз. Употребляется для присоединения предложения, выражающего следствие предшествующего действия — а, и:

Боянъ же, братіе, не і̃ соколовь на стадо лебедѣи пущаше, нъ своя вѣщіа пръсты на живая струны въскладаше; они же сами княземъ славу рокотаху. 4.

И се по дьньхъ нѣколицѣхъ съпящю ему въ полудьне въ храминѣ своеи, и се приде ему глас страшьнъ, именьмь того зовущь его: Клименте! Онъ же въспрянувъ и сѣде на ложи. Ж. Феод., 71 (XII в. ← ок. 1088 г.). И сеи, руцѣ простеръ и главу отклонь, вопиаше: ...Съкрушися, беззаконниче, не прикасаися мнѣ, прѣжде даже не очистишися от вины. ...Онъ же , от ужасти ни слова смѣвъ изрещи, възвратися. Флав. Полон. Иерус., 235 (XVI в. ← нач. XII в.). От десяти же пять творяхуся молящася с Кастеромъ, а другаа пять вопиаху: Николи же не поработимся римляном... И многъ час прящимся, Титъ же мѣдляше, зря на нѣ, и градоимець не бьяше. Там же, 378. 912: И призва старейшину конюхом, рече (Олег): Кде есть конь мъй?.. Он же рече: Умерлъ есть. Олегъ же посмѣася и укори кудесника, река: То ти неправо глаголють волъсви. Пов. врем. лет (Радз.), 29 (XV в. ← нач. XII в.). 1177: Ростовци и Суздалци послаша въ Новъгородъ по князя Мстислава Ростиславичя... Онъ же поиде къ нимъ. Ник. лет. X, 1 (XVI в.).

|| Для присоединения дополняющих частей предложения или нового предложения — также, кроме того, вдобавок.

Помяни пьрвыя прослувъшая въ храбърьствѣ, въ богатьствѣ же и славѣ и вьси, яко без вѣсти отъидошя и беспамятьни бышя. Изб. Св. 1076 г., 38. Святопълкъ же сѣдя Кыевѣ по отьци, призвавъ кыяны, многы дары имъ давъ, отпусти; посла же къ Борису, глаголя: Брате, хочю съ тобою любъвь имѣти. Ж. Бор. Глеб. (Сказ. Усп.), 15 (XII в. ← XI в.). Създа же и ина дѣла пречюднаа: иподрумие, и покры белым мрамором. Помости же и торговища за 20 верстъ. Флав. Полон. Иерус., 207 (XVI в. ← нач. XII в.). Подобье же имяше (Александр) лвово, скоръ, яснъ же бяше. Александр., 16 (XV в. ← XII в.). Аще убо воини Христови несмы путемь истины труда должни есмы ходити, облецѣмся въ броня вѣру Христову и въшаемъ крестъ его, щитъ же и копие в любовь его. Псалт. 1296 г. (Запись на л. 337 об.). А брагу чинят въ татну, кони кормять нохотом, да варять кичирисъ с сахаромъ да кормять кони, да с масломъ, порану же дають шьшени. Хож. Аф. Ник., 14 (кон. XV—нач. XVI в. ← 1466—1472 гг.).

|| Цепной союз — при построении открытого ряда однородных членов предложения или однотипных предложений.

Приде Аврамъ ... по повелѣнию божию въ землю Ханаоньску, ...бѣ же тогда Аврамъ лѣт 75, пребысть же въ земли Ханаоньстѣи лѣтъ 25, и роди Исака. Хрон. Амарт., 85 (XIII—XIV вв. ← XI в.). По Авимелесѣ же бысть судья Фола лѣтъ 20 и 3. 30. По Фолѣ же бысть судья Аиръ лѣт 22. 31. По Аирѣ же бысть судья Иеффаи лѣтъ 6. Там же, 116.

3. Обособительный союз. Выделяет часть предложения или одно из предложений, как не объединяемое по смыслу — что касается до..., между тем, и при этом:

Тои же звон слыша давныи великыи Ярославь, а сынъ Всеволожь Владимиръ по вся утра уши закладаше въ Черниговѣ. Бориса же Вячеславлича слава на судъ приведе, и на Канину зелену паполому постла за обиду Олгову. 15—16.

И поиде (Борис) ра[дъ]стьнъмь сьрдцьмь: Не презьри мене, рекыи, господи премилостиве, уповающааго на тя, нъ спаси душю мою. Святопълкъ же сѣдя Кыевѣ по отьци ... посла же къ Борису. Ж. Бор. Глеб. (Сказ. Усп.), 15 (XII в. ← XI в.). Иоанъ ... въ Ефесъ пакы от земьствования възведенъ Неруаномь и от него еуангелье исписавъ, идеже, откровение видѣвъ, умре, его же мощии искавше не обрѣтоша. Великыи же Григории, брат Кесаревъ, на судищи въ Костянтинѣ градѣ въпросимъ о семь, тако отвѣща. Хрон. Амарт., 307 (XIII—XIV вв. ← XI в.). И от Ону прѣплы къ Еладѣ ... и потомь ко Агипиа. И ту вышед из огаръ, и нача (Веспасиан) на коних путшествовати (так!). Тит же от приморскиа Кесариа приидѣ къ другои Кесарии, нарицаемѣи Филиповѣ, и ту долго время пребывь. Флав. Полон. Иерус., 436 (XVI в. ← нач. XII в.). 1173: Тоѣ же зимы придоша Половци на Кыевьскую страну, и вьзяша множьство селъ за Кыевомъ... Глѣбови же князю Кыевьскому в то время больну сущю, посла по брата своя. Ипат. лет., 562 (XV в.). А князя Олга Ингоревича яша еле жива суща. Царь же , видя свои полкы мнозии падоша, и нача велми скорбети. Пов. разор. Ряз. (XVI в. ← XIV в.). И посла (Батый) къ нему послы рекуще: Александро ... аще хощеши съблюсти землю свою, то скоро прииди ко мнѣ, и узриши честь царьства моего. Князь же Александръ Ярославичь, по умертвии отца своего, прииде въ Володимеръ въ силе велице, и бысть грозенъ приездъ его. Ж. Алекс. Нев., 7 (XVI в. ← XIII в.).

|| Обособительно-начинательный союз. Выделяет новый эпизод, главу, мысль. По значению близок к начинательным союзам а, и.

Чюдо 4 о хромѣ и о нѣмѣ. Бѣаше же нѣкотърыи мужь хромъ и нѣмъ; и уята бѣ ему нога по колѣно; и съдѣлавъ деревяну по бѣдѣ хожааше на неи. Ж. Бор. Глеб. (Сказ. Усп.), 32 (XII в. ← XI в.). 944: В лѣто 6452. Игорь же совкупивъ вои многи, варяги, Русь, и поляны, словѣни, и кривичи, и тѣверьцѣ, и печенѣги наа ... поиде на Греки. Пов. врем. лет, 33—34 (1377 г. ← нач. XII в.). Бы же Александръ лѣтъ 15, и въ единъ от дьнии ключися ему мимо ити, идѣже бѣ конь волуя глава заключенъ. Александр., 19 (XV в. ← XII в.). Слово 3-е. О еже когда основанна бысть церкви Печерскаа. Основана же бысть божественаа сиа церкви богородичина в лѣто 6581. Патер. Печ., 8 (XV в. ← XIII в.). Весна же у них стала с Покрова святыя богородица. Хож. Аф. Ник., 17 (кон. XV — нач. XVI в. ← 1466—1472 гг.).

II. Частица.

1. Усилительная частица. Подчеркивается смысловое значение того слова, к которому относится:

Почнемъ же , братіе, повѣсть сію отъ стараго Владимера до нынѣшняго Игоря. 5. Луце жъ бы потяту быти, неже полонену быти. 5.

Паче же бы нама лѣпо [ты] мыслити, о чадо, отъ Адама праотьця нашего до сего нашего вѣка. Изб. Св. 1076 г., 5 об. — 6. Господи, простите мя грѣшьнаго, убогаго, унылаго, недостоинаго раба своего Якова, а мирьскы Дъмъка; простите же мя. Аминъ. Мин. сент. (приписка на л. 56 об.), (1095 г.). Вы же , брате, прочитающе въ сие еуангелие, аще кде криво налѣзете, то исправивъше чьтѣте же , а не кльнѣте. Мстисл. ев. до 1117 г. (приписка на л. 213). Молю же вы, о възлюблении, да не зазьрите пакы грубости моеи. Ж. Феод., 42 (XII в. ← ок. 1088 г.). Не даи же , господи, зъ богатым тягатися, а с силнымъ противит[и]ся. Сл. Дан. Зат. (перед. ред. XII в.), 45 (XVII в. ← XII в.). 1135: Ходи Мирославъ посадникъ из Новагорода миритъ кыянъ съ церниговьци, и приде, не успѣвъ ницто же : сильно бо възмялася вся земля Русская. Новг. 1 лет., 23 (XIII в.). Точию аз единъ яко трава, в застѣни израстущи, на ню же ни солнце сияетъ, ни дождь идетъ. Посл. Дан. Заточ., 54 (XVII в. ← XIII в.). Въздержание основани[е] есть на благочестье, а желанье же стяжания начатье есть на лихоимъство. Пчела, 133 (XIV в. ← XIII в.).

|| То же в вопросительных предложениях (после вопросительных местоимений).

Что же наречем се пакость вазнену, зане языкъ вашь весь злым помогаеть? Коея же ради вины взясте оружие на нас? Флав. Полон. Иерус., 334 (XVI в. ← нач. XII в.). Дарии же рече: Како же ся убо уподоблю ему? Александр., 53 (XV в. ← XII в.). И съжаливси о немъ Александръ ... глаголаше: Въстани, царю Дарии... Кто же суть уязвившеи тя? Повѣжь ми их, да тя мщу нынѣ, якоже есть достоино. Там же, 69. Чьто и каково пришьствие антихристово есть? Въ кое же время и лѣто безаконьникъ открыеться? Откудѣ же или от коего колѣна? Сл. Иппол. об антихр., 11 (XII в.). От кого же увидихом сий путь и бремя легкое Иисусово? ...точию сий преподобный отець нашь Феодосие? Патер. Печ., 65 (XV в. ← XIII в.).

|| Присоединяясь к указательным местоимениям и наречиям, подчеркивает соответствие, тождество предыдущему:

Ступаетъ (Олег) въ златъ стремень въ градѣ Тьмутороканѣ. Тои же звонъ слыша давныи великыи Ярославь. 15. Съ тоя же Каялы Святоплъкь полелѣя отца своего междю Угорьскими иноходьцы ко святѣи Софіи къ Кыеву. 16.

Самъ же послужи о немь (больном), акы о своемь сьрдоболи, вѣдыи, яко и ты тако же имаши пострадати. Изб. Св. 1076 г., 52. И се по приключаю божию бѣща идуще путьмь тѣ купьци на возѣхъ съ бремены тяжькы. Увѣдѣвъ же я́ блаженыи, яко въ ть же градъ идуть. Ж. Феод., 48 (XII в. ← ок. 1088 г.). Моли о моемь унынии (Глеб обращается к убитому Борису), да быхъ азъ съподобленъ ту же страсть въсприяти и съ тобою жити, неже въ свѣтѣ семь прьльстьнѣмь. Ж. Бор. Глеб. (Сказ. Усп.), 20 (XII в. ← XI в.). В тои же дьнь, в тои же час от божественых промыслъ, яко назнамены, убиваху кесаряне живущих в них июдѣя. Флав. Полон. Иерус., 281 (XVI в. ← нач. XII в.). И пакы на той же сторонѣ у Красна половци побѣдихом. Поуч. Вл. Моном., 160 (1377 г. ← нач. XII в.). 1185: Тоѣ же веснѣ князь Святославъ посла Романа Нездиловича с Берендици на поганѣѣ Половцѣ. Ипат. лет., 637 (XV в). От тое же рѣкы отплувше, приидохом же в нѣкыи островъ великъ, отстоящь от земля връстъ 120. Александр., 98 (XV в. ← XII в.). Во блюдѣ же Олжинѣ камень драгии, на томъ же камени написанъ Христосъ. ...Ту же есть во олтарѣ телѣга сребряна Констянтина и Елены. Хож. Ант. Новг., 3 (XV в. ← 1200 г.).

2. Выделительная частица — только, лишь

: Единъ же Изяславъ, сынъ Васильковъ, позвони своими острыми мечи о шеломы Литовскыя, притрепа славу дѣду своему Всеславу. 33. Не бысть ту брата Брячяслава, ни другаго Всеволода: единъ же (Изяслав) изрони жемчюжну душу изъ храбра тѣла чресъ злато ожереліе. 34.

Колико множьство бысть чловѣкъ по земли, и вьси бес памяти бышя, едини же памятьни бышя, и прослушя на небеси и на земли. Изб. Св. 1076 г., 6. Едини же антиохиане, и сидоняне, и апамиане, и герасиане пощадѣли вся живущаа в них июдѣя. И хотяще изыти от них, съ добромъ отпустиша я. Флав. Полон. Иерус., 281 (XVI в. ← нач. XII в.). Врата же девятые златом и сребром покованы быша и с вереами и со одвѣриемь. Едина же внѣшняя коринфинскою медию окована бяху свѣтлѣише чьстьнѣише сребреных и позлащеных. Там же, 369.